Avropa Oyunlarının proqramında dəyişiklik edilib
2019-cu ildə Belarus paytaxtında keçiriləcək II Avropa Oyunlarının proqramında 16 idman növü olacaq. Sportline.az xəbər verir ki, Bakıdakı ilk oyunlarla müqayisədə əsas yeri atletika tutacaq. II Avropa Oyunlarında qılıncoynatma, çimərlik futbolu, taekvondo, triatlon və su idman növləri üzrə yarışlar keçirilməyəcək. Oyunların proqramında atletikadan əlavə, badminton, stritbol (basketbol 3X3), boks, güləş, stolüstü tennis, karate, kamandan oxatma, çimərlik voleybolu, velosiped idmanı, sambo, akademik, kayak və kanoe qayıqlarında avarçəkmə, atıcılıq və gimnastika yer alacaq. Gimnastika, güləş, həmçinin olimpiadanın proqramına salınmayan stritbol, sambo və çimərlik futbolu istisna olmaqla, qalan növlər üzrə yarışlar Yay Olimpiya Oyunlarına lisenziya xarakteri daşıyacaq.
