Azərbaycan millisinin sabiq üzvü "Kəpəz"də
Milli komandamızın sabiq üzvü Məhəmməd Qurbanov "Kəpəz"də çıxış edəcək.
SportLine.az-ın klubun rəsmi saytına istinadən məlumatına görə, bir müddətdir baxışda olan 25 yaşlı futbolçu baş məşqçi Şahin Diniyevin etimadını doğruldub.
Klub rəhbərliyi ilə Qurbanov artıq müqavilə məsələsində razılığa gəlib. Hücumçu yeni komandası ilə bu mövsümün sonuna qədər müqavilə imzalayıb. O, “Kəpəz”də 24 nömrəli forma ilə çıxış edəcək.
Qeyd edək ki, əvvəllər “Sumqayıt” və “Neftçi”də oynamış Məhəmməd Qurbanov müxtəlif yaş qrupları üzrə Azərbaycan yığmalarında da oynayıb.
