Finalın meydan sahibi bəlli oldu

"Qəbələ” və "Keşlə” klubları arasında keçiriləcək futbol üzrə Azərbaycan Kubokunun 2017/2018 mövsümünün final görüşünün püşkü atılıb.

Sportline.az xəbər verir ki, Peşəkar Futbol Liqasında təşkil olunan püşkatmada "Qəbələ”dən Səbuhi Səfiyarlı, "Keşlə”dən isə İlqar Mustafayev iştirak edib. Püşkün nəticəsinə əsasən, "Keşlə” finalın nominal meydan sahibi olub.

Qeyd edək ki, Azərbaycan Kubokunun final görüşü 28 may - Respublika günündə Qəbələ şəhər stadionunda keçiriləcək. Mövsümün son oyunu saat 20:00-da start götürəcək.