İslamiada: Məhəmmədrəsul Məcidovdan növbəti qələbə

IV İslam Həmrəyliyi Oyunlarının boks yarışlarında +91 kq çəki dərəcəsində yarımfinalçıların adlarına aydınlıq gəlib. SportLine.az xəbər verir ki, Azərbaycan millisinin boksçusu Məhəmmədrəsul Məcidov 1/4 final mərhələsindəki çıxışını qələbə ilə bitirib.

İkiqat dünya çempionumuz növbəti qarşılaşmasında Uosri Hafizi (Misir) mübarizədən kənarlaşdırıb. O, rəqibinin ikinci raundda mübarizədən imtina etməsi səbəbindən qalib elan olunub.

M.Məcidov yarımfinalda Hüsseyn İaşaişlə (İordaniya) üz-üzə gələcək. Görüş mayın 17-də keçiriləcək.

Qeyd edək ki, Məcidov 1/2 finala yüksələn 5-ci boksçumuz olub. Ondan öncə Tayfur Əliyev (56 kq), Cavid Çələbiyev (60 kq), Tamerlan Abdullayev (69 kq) və Teymur Məmmədov (91 kq) da özü üçün ən azı bürünc medalı təmin ediblər.