Millimiz son oyunda heç-heçə etdi
17 yaşadək qızlardan ibarət komandalar arasında Avropa çempionatının ilkin seçmə mərhələsində Azərbaycan yığması sonuncu oyununu keçirib.
SportLinel.az-ın AFFA-nın saytına istinadən yaydığı xəbərə görə, moldovalı həmyaşıdları ilə qarşılaşan yığmamız meydanı 1:1 hesablı heç-heçə ilə tərk edib. Komandamızın heyətində Seval Çakan fərqlənib.
3 oyundan cəmi 1 xal toplayan komandamız qrupu 3-cü sırada tamamlayıb və Avropa çempionatı ilə vidalaşıb.
Qeyd edək ki, qrupda ilk pilləni maksimum nəticə (9 xal) ilə İngiltərə millisi tutub. İslandiya 6 xalla 2-ci, Moldova isə 1 xalla sonuncu olub.
