Moskva "Spartak"ı baş məşqçini yola saldı
Moskva "Spartak”ı baş məşqçi Massimo Karrera ilə yolları ayırıb.
Sportline.az sport-express.ru-ya istinadən xəbər verir ki, klubun direktorlar şurası komandanın bu mövsüm qeyri-qənaətbəxş çıxışı səbəbindən 54 yaşlı mütəxəssisi istefaya göndərib. Baş məşqçi səlahiyyətləri müvəqqəti olaraq Raul Riançoya həvalə olunub.
Qeyd edək ki, "Spartak" 11 oyundan 18 xalla Rusiya Premyer Liqasının yarış cədvəlində 7-cidir.
Xatırladaq ki, italiyalı mütəxəssis 2016-cı ilin avqustundan "Spartak”ı çalışdırırdı. Paytaxt təmsilçisi onun rəhbərliyi altında 2016/2017 mövsümündə Rusiya çempionu olub və ölkə superkubokunu qazanıb.