"Qəbələ" - "Şerif" oyununun vaxtı açıqlandı
“Qəbələ”nin U-19 komandasının UEFA Gənclər Liqasında Moldova “Şerif”i ilə keçirəcəyi oyunların başlama vaxtı müəyyənləşib.
SportLine.az-ın əyalət klubunun rəsmi saytına istinadən yaydığı xəbərə görə, Çempionlar yolunun I mərhələsinin ilk oyunu Qəbələ şəhər stadionunda baş tutacaq. Oktyabrın 3-də keçiriləcək qarşılaşma saat 18:00-da başlayacaq.
Cavab matçı Tiraspolda “Şerif”in kiçik arenasında keçiriləcək. Oktyabrın 24-də oynanılacaq görüşün start fiti Bakı vaxtı ilə saat 16:00-da veriləcək.
