Rusiyalı futbolçular həbs olundular
Rusiyanın "Zenit” klubunun hücumçusu Aleksandr Kokorin və "Krasnodar”ın yarımmüdafiəçisi Pavel Mamayev həbs olunub.
SportLine.az REN TV-yə istinadən xəbər verir ki, hər iki futbolçu günorta saatlarında saxlanılıb.
Qeyd edək ki, Kokorinlə Mamayev Moskva kafelərinin birində dövlət məmurunu döyüblər. Onlar dostları ilə birlikdə səhər yeməyi üçün kafeyə üz tutub. Ancaq yemək zamanı səs-küy salan futbolçular ətrafdakıların və kafe personalının ciddi etirazı ilə qarşılaşıblar. Etirazını daha sərt şəkildə bildirən dövlət məmurları Denis Pak və Sergey Qaysin isə futbolçuların hücumuna məruz qalıb. Onlar Pakın dişini sındırıblar.
Daha sonra məlum olub ki, məmurlarla davadan 2 saat öncə sözügedən futbolçular "Birinci kanal”ın aparıcısı Olqa Uşakovanın sürücüsünü döyüblər. Həmin şəxsin hazırda reanimasiyada olduğu bildirilir.
Sportnet.az
