"Səbail" və "Ağsu" Premyer Liqaya vəsiqə qazandı
I Divizionda 2016/2017-ci il mövsümünə yekun vurulub. SportLine.az xəbər verir ki, son turda gümüş və bürünc mükafatların sahibləri müəyyənləşib.
"Səbail" səfərdə "Bakılı"nı 7:1 hesabı ilə məğlub edərək 57 xalla 2-ci pillədəki yerini qoruyub. "Ağsu" isə "Şəmkir"lə qolsuz heç-heçə edərək xalını 53-ə çatdırıb və 3-cü pilləyə yüksəlib.
Beləliklə, "Turan Tovuz", "Səbail" və "Ağsu" I divizionda ilk 3 yeri tutub. Reqlamentə əsasən, onlar gələn mövsüm Premyer Liqada iştirak hüququ əldə ediblər.