“İnter” 100 min azarkeşlə çempionluğu qeyd edib
İtaliya A Seriyasında çempionluğu təmin edən “İnter” Milanda azarkeşləri ilə möhtəşəm bayram keçirib.
Sportline.az xəbər verir ki, ötən həftə “Milan”ı məğlub edərək çempionluğunu elan edən İnter dünən çempionatın 34-cü turunda oynanan “Torino” matçından sonra çempionluq turu təşkil edib.
“Torino”nu Hakan Çalhanoğlunun vuruduğu qollarla məğlub edən “İnter” oyundan sonra avtobusla şəhər turuna çıxıb.
İtaliya mətbuatının xəbərinə görə , 100 min insanın iştirak etdiyi şənlikdə “İnter” futbolçuları və azarkeşləri çempionluğu coşqu ilə qeyd ediblər.
Qeyd edək ki, “İnter”in çempionluq kukokunu Seria A-nın 37-ci turunda keçiriləcək “Latsio” ilə oyundan sonra alması nəzərdə tutulub.