“Kəpəz” hazırlığa başladı

Azərbaycan Premyer Liqasının III turunda səfərdə “Neftçi” ilə görüşəcək “Kəpəz” bu gündən oyunun hazırlığına başlayıb. SportLine.az klubun saytına istinadən xəbər verir ki, “sarı-göylər” tarixi derbiyə Bakıda hazırlaşır.

Komanda məşqlərini Azərbaycan Dövlət Bədən Tərbiyəsi və İdman Akademiyasının meydanında keçir. “Kəpəz”in oyundan öncəki son məşqi matçın keçiriləcəyi arenada olacaq. 

Qeyd edək ki, “Neftçi” – “Kəpəz” qarşılaşması avqustun 25-də baş tutacaq.