AFFA hakimi döyən futbolçunu cəzalandırdı
Bu gün AFFA-nın İntizam Komitəsinin iclası keçirilib. SportLine.az qurumun saytına istinadən xəbər verir ki, toplantıda Regional Liqada baş verən neqativ hallar da hüquqi qiymətini tapıb.
“Energetik” – “Şəmkir” matçının 23-cü dəqiqəsində ev sahiblərinin futbolçusu Tural Məmmədzadə hakimi təhqir etdiyinə görə meydandan kənarlaşdırıldığı üçün 4 oyunluq cəzalanıb. “Energetik”in digər futbolçusu Samir Əliyev isə oyunun 78-ci dəqiqəsində aqressiv davranış, hakimə qarşı fiziki təsir göstərdiyinə görə birbaşa qırmızı vərəqə alaraq meydandan kənarlaşdırıldığı üçün 10 oyunluq cəzalanıb.
“Şağan” – “Tufan” matçının 90+4-cü dəqiqəsində qonaqların futbolçusu Elçin Əliyev hakimi təhqir etdiyinə görə meydandan kənarlaşdırıldığı üçün 4 oyunluq cəzalanıb.
