Aleksandr Səmədov Ramil Şeydayevlə komanda yoldaşı ola bilər
Moskva "Spartak"ından ayrılan Aleksandr Səmədovun karyerasını hansı klubda davam etdirəcəyi müzakirə mövzusudur.
SportLine.az "Çempionat" nəşrinə istinadən xəbər verir ki, azərbaycan əsilli futbolçunun yeni iş yeri "Krılya Sovetov" olacaq. Samara təmsilçisinin rəsmisi Aleksandr Şikunov bildirib ki, 35 yaşlı yarımmüdafiəçi ilə bütün məsələlərdə razılığa gəlinib. A.Səmədovla yaxın günlərdə müqavilə imzalanacağı gözlənilir.
Qeyd edək ki, Azərbaycan millisinin üzvü Ramil Şeydayev də "Krılya Sovetov"da çıxış edir.
