Almeyda millimizin ən yaxşısı oldu

Azərbaycan millisinin Avro-2020-nin seçmə mərhələsindəki ilk 3 oyunundan sonra komandanısn ən yaxşıları açıqlanıb.

Sportline.az xəbər verir ki, UEFA-nın saytında dərc olunan statistikaya görə, komandanın ən yaxşısı Riçard Almeyda olub. O, 425 xalla ümumi sıralamanın 186-cı pilləsində qərarlaşıb. Millinin seçmə mərhələdəki 3 qolundan ikisinin müəllifi olan Ramil Şeydayevin 422 xalı var və o, komandada 2-ci, ümumi cədvəldə 188-ci yeri tutur. İlk "3-lüy"ü Bədavi Hüseynov qapayır. Təcrübəli müdafiəçi 350 xalla 276-cı yerdədir.

ilk "5-liy"in növbəti yerləri də "Qarabağ"lılara məxsusdur. Yarımmüdafiəçi Qara Qarayev 4-cü, Macarıstanla görüşdə yeganə qolumuzun müəllifi olan Mahir Əmrəli isə 5-ci olub.

Maraqlıdır ki, millinin son oyunlardakı uğursuz nəticələrinə görə ən çox Riçard Almeyda, Bədavi Hüseynov və Qara Qarayev tənqid olunub. Ancaq UEFA-nın hesablamalara görə, millidə ən yaxşı statistik göstərəcilər məhz bu futbulçulara aiddir