Avroliqanın qrup 3-cüsü üçün yeni imkan

UEFA 2021/22 mövsümündə təşkil edəcəyi yeni turnirin adını açıqlayıb.

Sportline.az xəbər verir ki, qurum yeni klub turnirinə Konfrans Liqası adını verib.

Konfrans Liqası Çempionlar Liqası və Avropa Liqasından sonra reytinqinə görə, üçüncü Avropa Kuboku turniri olacaq.

Yarışın qrup mərhələsində 32 komanda 8 qrupa bölünəcək. Qrup liderləri 1/8 finala vəsiqə qazanacaq. İkinci yerin sahibləri isə 1/8 finala yüksəlmək üçün Avropa Liqasının qrupunda 3-cü pilləni tutan komanda ilə qarşılaşacaq.

Konfrans Liqasının qalibi növbəti mövsüm Avropa Liqasının qrup mərhələsində iştirak edəcək.

Turnirin qarşılaşmaları cümə axşamları keçiriləcək.