Azarkeşlər arasında dava düşdü, 100 nəfər saxlanıldı

Argentina II Divizionunda keçirilən "Los Andes" - "Braun de Androqe" qarşılaşması kütləvi dava ilə yadda qalıb. 

SportLine.az "ESPN" agentliyinə istinadən xəbər verir ki, ara matçın 16-cı dəqiqəsində qarışıb. Polisin müdaxiləsindən sonra azarkeşlər sakitləşiblər. 

Hadisə nəticəsində, təxminən, 100 nəfərin saxlanıldığı bildirilir.

Qeyd edək ki, görüş "Los Andes"in qələbəsi ilə yekunlaşıb - 2:0.