Azərbaycan - Uels oyunu məşhur hakimə tapşırıldı
Avro-2020-nin seçmə mərhələsində keçiriləcək Azərbaycan - Uels oyununun hakim təyinatları açıqlanıb.
Sportline.az UEFA-nın saytına istinadən xəbər verir ki, görüşü almaniyalı hakimlər briqadası idarə edəcək.
Dəniz Aytəkin matçın baş hakimi olacaq.
Ona Eduard Beytinger və Rafael Foltin köməklik göstərəcək. 4-cü hakim funksiyasını Kristian Dinqert yerinə yetirəcək.
Qeyd edək ki, noyabrın 16-da "Bakcell Arena"da keçiriləcək Azərbaycan - Uels matçı saat 21:00-da başlanacaq.
