"Beşiktaş"ın prezidenti müəyyənləşdi
“Beşiktaş" klubunun yeni prezidenti məlum olub.
Sportline.az Türkiyə mətbuatına istinadla xəbər verir ki, Əhməd Nur Çebi İstanbul nəhənginin yeni prezidenti seçilib.
O, səsvermədə digər namizədlər - Serdal Adalı və Hürser Tekinoktayı üstələyib. Çebi 5009, Adalı 2983, Tekinoktay isə cəmi 537 səs toplaya bilib.
Beləliklə, Əhməd Nur Çebi “Beşiktaş” tarixinin 34-cü prezidenti olub. O, qarşıdakı 2.5 il ərzində klubun uğurları üçün çalışacaq.
Qeyd edək ki, klubun bundan əvvəlki prezidenti Fikrət Orman idi.
