"Düdelanj" - "Qarabağ" görüşünün hakimi açıqlandı
Avropa Liqasının qrup mərhələsinin 2-ci turunun "Düdelanj" - "Qarabağ" oyunu üçün hakim təyinatları açıqlanıb.
Sportline.az UEFA-nın saytına istinadən xəbər verir ki, görüşü Şotlandiyadan olan hakimlər briqadası idarə edəcək.
Baş hakim Con Biton olacaq. Ona yan xətdə Daniel Makfarlan və Duqlas Potter kömək edəcək. Donald Robertson isə dördüncü hakim funksiyasını yerinə yetirəcək.
Qeyd edək ki, oktyabrın 3-də Lümsemburqdakı "Jozi Bartel" stadionunda keçiriləcək oyun, Bakı vaxtı ilə saat 23:00-da başlanacaq.
