Elvin Məmmədovun yeni klubu məlum oldu

"Zirə" komandası heyətini yeni futbolçu ilə gücləndirib.

Sportline.az klubun rəsmi "Facebook" səhifəsinə istinadən xəbər verir ki, paytaxt təmsilçisi "Sumqayıt"dan ayrılan Elvin Məmmədovla anlaşıb. 30 yaşlı yarımmüdafiəçi ilə 2 illik müqavilə bağlanılıb.

Qeyd edək ki, daha öncə 2016/17 mövsümündə də "qartallar"ın şərəfini qoruyan Məmmədov indiyə qədər "Turan", "Qarabağ", "Bakı", "İnter", "Qəbələ" və "Sumqayıt"da forma geyinib. Elvin həmçinin Azərbaycan yığmasında da meydana çıxdığı 37 oyunda 7 dəfə fərqlənib.