Emil Balayevin komandası Avroliqa ilə vidalaşdı

Milli komandamızın qapıçısı Emil Balayevin çıxış etdiyi "Tobol" bu gün Avropa Liqasının 1-ci təsnifat mərhələsində cavab oyununa çıxıb.

Sportline.az xəbər verir ki, Kostanay təmsilçisi doğma azarkeşləri önündə Lüksemburqun "Jeness" klubu ilə qarşılaşıb. Görüş 1:1 hesabı ilə başa çatıb. Səfərdə qolsuz heç-heçə qeydə alındığından bu nəticə qonaqları 2-ci təsnifat mərhələsinə daşıyıb. "Tobol" isə Avroliqada mübarizəni dayandırıb.

Qeyd edək ki, bu oyunda da "Tobol"un qapısını Emil qoruyub.


Avropa Liqası

I təsnifat mərhələsinin cavab oyunu

18 iyul

16:00. "Tobol" (Qazaxıstan) - "Jeness" (Lüksemburq) - 1:1
Qollar: H. Meddur, 22-avtoqol (1:0), M. Arslan, 59 (1:1)
İlk oyun - 0:0