Fanatların qəzəbi klub prezidentinə baha başa gəldi

Hollandiyanın “Roda” komandasının azarkeşləri klubun prezidenti Maurisio Qarsiyaya sərt formada etiraz ediblər.

Sportline.az xəbər verir ki, klubun ofisinə gələn narazı fanatlar əvvəlcə meksikalı futbol funksionerinə otağına girməyə imkan verməyiblər. Daha sonra isə onu ümumiyyətlə, oradan uzaqlaşdırıblar.

Hollandiyanın məşhur klublarından olan “Roda” hazırda ikinci divizionda yarışır və 16-cı yerdədir. Fanatlar hesab edir ki, Qarsiya klubu lazimi formada idarə etmir, yüksək liqaya çıxmaq üçün yaxşı transferlər həyata keçirmir.