Futbolçumuzun Küveytdə ilk qolu
Azərbaycanlı futbolçu Kamal Mirzəyev Küveyt klubunda qol hesabını açıb.
Sportline.az xəbər verir ki, "Əl-Salmiyə"də çıxış edən 24 yaşlı yarımmüdafiəçi çempionatın 5-ci turunda "Əl-Tadamon" ilə görüşdə rəqib qapısına yol tapıb. 90 dəqiqə meydanda olan Kamal matçın 82-ci dəqiqəsində - hesab 1:1 olarkən fərqlənib.
"Əl-Salmiyə" 10 xalla 10 komanda arasında 3-cü yerdə qərarlaşıb.
Qeyd edək ki, K. Mirzəyev bu yay "Qəbələ"dən "Əl-Salmiyə"yə keçib.
