I Divizionun mükafatçıları təltif olundu
I Divizionda 2018/2019-cu illər mövsümünün sonuncu oyunu MOİK – “Sabah-2” qarşılaşmasından sonra mükafatlandırma mərasimi keçirilib.
Sportline.az Peşəkar Futbol Liqasına istinadən xəbər verir ki, Lökbatan Olimpiya İdman Kompleksində baş tutan tədbirdə PFL-in prezidenti Ramin Musayev, Müdafiə nazirinin müavini general-leytenant Kərim Vəliyev və başqa rəsmi şəxslər iştirak ediblər.
Hələ ötən tur rəsmi olaraq çempionluğu təmin edən MOİK-ə qızıl, “Sumqayıt-2”-yə isə gümüş medallar təqdim edilib. Sonuncu turda 4:1 hesabı ilə “Qaradağ Lökbatan”a qalib gələn “Neftçi-2” bürünc medallara sahib çıxıb.
Lökbatan Olimpiya İdman Kompleksində baş tutan mükafatlandırma mərasimindən fotoları təqdim edirik:
