Kamran Əliyev növbəti qolunu "Spartak"ın qapısına vurub

Azərbaycanın U-21 yığmasının sabiq futbolçusu Kamran Əliyev Rusiya çempionatının 1-ci divizionunda növbəti qolunu vurub.

Sportline.az xəbər verir ki, “Ximki” də çıxış edən K.Əliyev 11-ci turda Moskva “Spartak”ının ikinci komandası ilə qarşılaşıb. “Ximki”nin 1:0 hesabı ilə yekunlaşan matçında yeganə qolun müəllifi K.Əliyev olub.

Qeyd edək ki, azərbaycanlı oyunçu 46-cı dəqiqədə meydana girib, 70-ci dəqiqədə isə fərqlənə bilib. Bu, onun hazırkı mövsümdə 5-ci qolu olub.

“Ximki” 11 turdan sonra 27 xalla 20 kollektiv arasında 2-ci pillədə qərarlaşıb.

Kamran Əliyevin qoluna 3.20-ci dəqiqədən baxa bilərsiniz