Kosovo - Azərbaycan oyunu bu stadionda keçiriləcək

UEFA Millətlər Liqası çərçivəsində keçiriləcək Kosovo - Azərbaycan matçının məkanı müəyyənləşib. SportLine.az xəbər verir ki, görüş Priştina şəhərindəki “Fadil Vokkri” arenasında təşkil olunacaq. 

Kosovo Futbol Federasiyasının rəsmi saytının yaydığı məlumata görə, UEFA sözügedən stadiona beynəlxalq yarışların keçirilməsi üçün lisenziya verib.

Qeyd edək ki, Kosovo – Azərbaycan matçı noyabrın 20-də oynanılacaq. Kosovolular bu arenada ilk oyunlarını isə sentyabrın 10-da Farer adaları yığmasına qarşı keçirəcək.