Mahir üçün daha bir iddia: bu dəfə "Trabzonspor"
Türkiyənin "Trabzonspor" klubu "Qarabağ"ın və Azərbaycan millisinin futbolçusu Mahir Emrelini heyətinə qatmaq istəyir.
Sportline.az haberts.com saytına istinadən xəbər verir ki, norveçli forvard Aleksandr Syorpoltu heyətinə qatan Qara dəniz təmsilçisinin növbəti hədəfi 22 yaşlı hücumçudur. Xəbərdə Emreli ilə İspaniyanın "Deportivo", "Malaqa" və "Almeriya" klublarının yaxından maraqlandığı vurğulanıb.
Onu heyətinə qatmaq istəyən klubların sırasında “Estremadura” da var.
Qeyd edək ki, Emreli 2018/2019 mövsümündə Azərbaycan Premyer Liqasında 16 qolla bombardir olub. Onun Ağdam klubu ilə 2020-ci ilin iyulun 30-dək müqaviləsi var.
