Maykl Essyen rəsmən "Səbail"də

Məşhur futbolçu Maykl Essyenin “Səbail”ə keçidi rəsmiləşib.

Sportline.az xəbər verir ki, bu barədə klubun rəsmi saytı  xəbər yayıb. Onunla 1,5 illik müqavilə imzalayıb. Essyen həmçinin ”Səbail”in U-19 komandasının məşqçilər korpusunda da fəaliyyət göstərəcək.

Qeyd edək ki, peşəkar karyerasına “Bastiya”da başlayan Qana millisinin sabiq üzvü “Çelsi”, "Real" və "Milan" kimi nəhəng klubların formasını geyinib. 37 yaşlı yarımmüdafiəçi “Çelsi”nin heyətində 168 matçda 19 qol vurub.