Əfsanəvi futbolçu karyerasını bitirir

Yaponiyanın "Vissel Kobe" klubunun futbolçusu David Vilya karyerasını başa vurmağa qərar verib.

Sportline.az xəbər verir ki, 37 yaşlı forvard İspaniya mətbuatına açıqlamasında 19 illik peşəkar karyerasına 2020-ci ilin yanvar ayında son qoyacağını deyib.

İspaniya millisinin sabiq üzvü yanvarın 1-i “Vissel Kobe” ilə "İmperator kuboku"nu qazanmaq üçün son dəfə meydana çıxacağını bildirib.

Qeyd edək ki, Vilya "Sportinq" (Xixon), "Saraqosa", "Valensiya", "Barselona", "Atletiko" və "Nyu-York Siti" kimi klublarda çıxış edib. O, İspaniya millisi ilə Avropa və dünya çempionu olub.