Milli komandanın hazırlıq planı açıqlandı

Avropa çempionatının seçmə mərhələsi çərçivəsində martın 21-də Zaqrebdə Xorvatiya seçməsi ilə görüşəcək milli komandamızın hazırlıq planı müəyyənləşib.

Sportline.az AFFA-nın saytına istinadən xəbər verir ki, milli martın 16-dan etibarən Bakıda təlim-məşq toplanışına başlayacaq. Komanda martın 19-dək Mərdəkan qəsəbəsində, “Dalğa Arena”nın ərazisindəki Milli Komandaların Məşq Mərkəzində qalacaq. 

Həmin gün nahardan sonra Zaqrebə yollanacaq millimiz Xorvatiya yığması ilə oyundan dərhal sonra Bakıya qayıdacaq və martın 25-də “Bakcell Arena”da Litva ilə keçirəcəyi oyunun hazırlığına başlayacaq.

Millinin qeyd olunan toplanışlar və oyunlar üçün heyəti gələn həftə açıqlanacaq.