Millimizin rəqibi daha bir itki ilə üzləşdi
Martın 21-də milli komandamızla görüşəcək Xorvatiya seçməsinin daha bir üzvü zədələnib.
Sportline.az xəbər verir ki, söhbət İtaliyanın "İnter" komandasının futbolçusu Marselo Brozoviçdən gedir.
O, A Seriyasının 27-ci turunun "Spal"la oyununun (2:0) 42-ci dəqiqəsində ayaq əzələsindən xəsarət alıb.
Futbolçunun uzun müddət meydandan kənarda qalacağı istisna olunmur.
Qeyd edək ki, 2020-ci il Avropa çempionatının seçmə mərhələsinin Xorvatiya - Azərbaycan görüşü martın 21-də Zaqrebdə keçiriləcək.