Millinin oyunlarının vaxtı açıqlandı

17 yaşadək futbolçulardan ibarət milli komandamız Qazaxıstanda keçiriləcək “Prezident kuboku” turnirinə qatılacaq. 
Sportline.az AFFA-nın rəsmi saytına istinadən XƏBƏR VERİR Kİ, 6 komandanın mübarizə aparacağı yarışın püşkünün nəticəsinə əsasən, komandamız Qazaxıstan və Qırğızıstanın U-17 yığmaları ilə birgə B qrupunda yer alıb.

A qrupunda isə Tacikistan və Krasnodar Akademiyasının U-17 komandası ilə yanaşı, Qazaxıstanın 16 yaşadək futbolçulardan ibarət yığması mübarizə aparacaq.

Avqustun 24-də start götürəcək turnirin ilk oyun günündə, təqvimə əsasən, Azərbaycan yığması meydana çıxmayacaq. Komandamız növbəti gün Qırğızıstan yığması ilə üz-üzə gələcək.
 

25 avqust

16:00. Qırğızıstan - Azərbaycan
 

26 avqust

16:00. Azərbaycan - Qazaxıstan