"Misirlə oyun fərqli olacaq" - Çerçesov

"Futbolçuların üzərində böyük təzyiq var idi. Amma meydanda bu təzyiqi hiss etmədik. Çox rahat oynadılar və lazımi nəticəni qazandılar". SportLine.az FİFA-nın saytına istinadən xəbər verir ki, bu sözləri Rusiya millisinin baş məşqçisi Stanislav Çerçesov deyib.

Səudiyyə Ərəbistanına qarşı keçirilən görüşdən (5:0) sonra jurnalistlərin suallarını cavablandıran mütəxəssis növbəti oyunlar barədə də danışıb: "Misirlə görüş fərqli şəhərdə və fərqli vaxtda keçiriləcək. Bu oyun fərqli olacaq. Səudiyyə Ərəbistanı ilə görüşü unutmaq və həmin oyuna dəqiqliklə hazırlaşmaq tələb olunur". 

Oyunçularına minnətdar olduğunu deyən S.Çerçesov, "Onların gücünə bələd idim. Ona görə, oyunu rahat izlədim. Hər bir məşqçinin taleyi oyunçulardan asılıdır. Məşqçini güclü edən onun komandasıdır. Bu gün futbolçular məni güclü etdilər. Buna görə, hər birisinə təşəkkürümü bildirirəm", - deyə söyləyib.