Mourinyo İbrahimoviçlə bağlı fikrini açıqladı

"Mançester Yunayted"in baş məşqçisi Joze Mourinyo Zlatan İbrahimoviçin komandaya qayıdışı ilə bağlı sualı cavablandırıb.

Sportline.az xəbər verir ki, portuqaliyalı mütəxəssis Sky Sports-a açıqlamasında bu məlumatı şaiyə kimi qiymətləndirib. Onun sözlərinə görə, klubda bununla bağlı müzakirələr aparılmayıb.

Qeyd edək ki, isveçli forvardın "Los - Anceles Qalaksi" ilə müqaviləsinin müdəti 2019-cu ildə başa çatır.

İbrahimoviç 2016-cı ildən 2018-ci ilədək "Mançester Yunayted"də keçirdiyi 53 oyunda 29 qol vurmuşdu.