"Neftçi" braziliyalı futbolçunu transfer etdi
"Neftçi” daha bir transferini rəsmiləşdirib.
SportLine.az-ın klubun saytına istinadən yaydığı xəbərə görə, Bakı təmsilçisi Dario Frederiko ilə 1 illik müqavilə imzalayıb. 26 yaşlı braziliyalı hücumçu "ağ-qaralar”ın heyətində 10 nömrəli formanı geyinəcək.
Qeyd edək ki, Dario Frederiko ötən mövsüm "Kəpəz”də 13 oyunda meydana çıxıb və 4 qol vurub.
