"Neftçi" daha bir sınaq qarşısında

"Neftçi” 2003-2004-cü il təvəllüdlü futbolçular arasında təşkil olunacaq "İnkişaf turniri”ndə iştirak edəcək.

Sportline.az xəbər verir ki, baş məşqçi Eldəniz Məmmədovun yetirmələri qrup mərhələsi çərçivəsində Aviasiya Akademiyasının stadionunda mayın 25-də "Zirə”, 28-də "Sabah”, 31-də isə "Qarabağ”la qarşılaşacaq. Digər qrupda "Keşlə”, "Sabah-2004”, "Sumqayıt” və "Şüvəlan” mübarizə aparacaq.

Qeyd edək ki, yarımfinal oyunlarının iyunun 2-də, 3-cü yer uğrunda və final matçlarının isə 5-də "AZAL Arena”da keçirilməsi nəzərdə tutulub.