"Neftçi" - "Keşlə" oyununun biletləri satışda

Topaz Premyer Liqasının 4-cü turunda sentyabrın 16-sı saat 21:00-da "Bakcell Arena”da keçiriləcək "Neftçi” – "Keşlə” oyununun biletləri bu gün günortadan sonra satışa çıxarılacaq.

Sportline.az xəbər verir ki, qiymət VİP yerlərə 5 manat, qalan bütün sektorlara isə 1 manat təşkil edir. Biletləri "Bakcell Arena”nın kassalarından əldə etmək mümkündür.

Qeyd edək ki, oyundan əvvəl "Red Bull”un dəstəyi ilə azarkeşlər üçün müxtəlif əyləncələrin yer alacağı xüsusi fanzona yaradılacaq. Fanzonanın bütün təkliflərindən yararlanmaq üçün bilet alıb oyuna iki saat qalmış stadionda olmaq lazımdır.