Azərbaycanlı hakim Portuqaliya - Norveç oyununa təyinat aldı
Azərbaycanlı hakim Rza Məmmədovun 17 yaşadək futbolçulardan ibarət komandalar arasında Avropa çempionatının final mərhələsində təyinat aldığı ilk oyun açıqlanıb.
SportLine.az UEFA-nın saytına istinadən xəbər verir ki, FİFA referisinin köməkçisi "B" qrupunun Portuqaliya - Norveç oyununda yan xətt hakimi funksiyasını icra edəcək. Qarşılaşmanın baş hakimi isə hollandiyalı Denis Hiqler olacaq.
Qeyd edək ki, Portuqaliya - Norveç matçı mayın 4-ü, Bakı vaxtı ilə saat 16:00-da başlanacaq.
