"Qarabağ" - "Partizani" görüşünün hakimləri müəyyənləşib
Çempionlar Liqasının I təsnifat mərhələsinin "Qarabağ" - "Partizani" matçının hakimləri müəyyənləşib.
Sportline.az UEFA-nın saytına istinadən xəbər verir ki, qarşılaşma Moldovadan olan hakimlər briqadasına tapşırılıb.
Matçı Dumitru Muntean idarə edəcək. Ona Vladislav Lifçiu və Andrey Bodean kömək edəcəklər. Qarşılaşmada 4-cü hakim funksiyasını Aleksandru Tean yerinə yetirəcək.
Qeyd edək ki, "Qarabağ" - "Partizani" matçı iyulun 17-də "Dalğa Arena"da keçiriləcək. Komandaların ilk görüşündə hesab açılmamışdı.