"Qarabağ" sabah növbəti oyuna çıxacaq
Antalyada təlim-məşq toplanışını davam etdirən “Qarabağ”ın ikinci yoxlama oyununun vaxtı açıqlanıb.
Sportline.az klubun rəsmi Facebook səhifəsinə istinadən xəbər verir ki, sabah Çexiya təmsilçisi "Bohemians"la keçiriləcək görüş Bakı vaxtı ilə saat 18:00-da başlanacaq.
Qeyd edək ki, Qurban Qurbanovun komandası yanvarın 23-ü Polşanın "Piast" və 26-sı Ukraynanın "Şaxtyor" (Donetsk) klublarıyla qüvvəsini sınayacaq. Ağdam təmsilçisi ilk sınaq matçında Macarıstanın "Uypeşt" klubuna uduzub - 0:1.
