"Qarabağ" - "Şerif" görüşünün biletləri satışda
Avropa Liqasının pley-off mərhələsinin, "Qarabağ" - "Şerif" matçının biletləri satışa çıxarılıb.
Sportline.az xəbər verir ki, qiymətlər sektorlara uyğun olaraq, 1 manat, 2 manat, 3 manat, 5 manat və 10 manat arasında dəyişir. VİP biletlər isə 50 manatadır. Biletlər "Park Bulvar"dakı "Qarabağ" FK Fan-şopunda, Tofiq Bəhramov adına Respublika stadionun kassalarında, "28 Mall"da və onlayn olaraq, iTicket.az saytı vasitəsilə satılır. Biletləri əldə edərkən şəxsiyyət vəsiqəsi təqdim olunmalıdır.
Qeyd edək ki, avqustun 30-da Tofiq Bəhramov adına Respublika stadionunda keçiriləcək "Qarabağ” - "Şerif" matçı saat 21:00-da start götürəcək. İlk oyun isə avqustun 23-də Tiraspoldakı "Şerif" İdman Kompleksinin stadionunda təşkil olunacaq.
