"Qarabağ" yeni transferini rəsmən təqdim etdi
Ölkə çempionu "Qarabağ" növbəti transferini həyata keçirib.
Sportline.az klubun rəsmi Facebook səhifəsinə istinadən xəbər verir ki, Ağdam təmsilçisi fransalı hücumçu Maqaye Qeyeni heyətinə cəlb edib. Transferin detalları barədə məlumat verilməyib.
Qeyd edək ki, 29 yaşlı Seneqal əsilli futbolçu "Strasburq"un yetirməsidir. Onun son iş yeri Türkiyənin "Osmanlıspor" klubu olub. Qeye karyerası ərzində Fransanın "Brest", İngiltərənin "Everton", "Milloull" və Türkiyənin "Adanaspor" komandalarında da çıxış edib.
Xatırladaq ki, “Qarabağ” yay fasiləsində braziliyalı müdafiəçi Ailton Silva, mərakeşli müdafiəçi Faysal Rerras və ispaniyalı yarımmüdafiəçi Xayme Romeronu da heyətinə qatıb.
Maqaye Qeye "Qarabağ"ın direktoru Emrah Çelikelle
