"Qarabağ"a üç xalı kim qazandırıb?
Topaz Premyer Liqasının 17-ci turunun "Qarabağ” – "Kəpəz” matçında vurulan qolun müəllifi dəqiqləşdirilib.
Sportline.az xəbər verir ki, bununla bağlı Peşəkar Futbol Liqasının rəsmi saytında aşağıdakı məzmunda məlumat yerləşdirilib:
"Topaz Premyer Liqasının XVII turunun "Qarabağ” – "Kəpəz” matçının protokolunda dəyişiklik edilib. Oyunun baş hakimi Orxan Məmmədovun raportuna əsasən qol Riçard Almeydanın deyil, Mahir Mədətovun adına yazılıb”.
Hazırda Mahir Mədətovun aktivində 8 qol var və o çempionatın ən yaxşı qolçusu Baqali Dabodan sonra ikincidir. Dabonun qollarının sayı 11-dir.
