"Qarabağ"ın futbolçuları geri çağırıldı
Bakıda təlim-məşq toplanışında olan 21 yaşadək futbolçulardan ibarət Azərbaycan milli komandasının heyətində dəyişiklik edilib.
Sportline.az xəbər verir ki, bu haqda AFFA-nın saytı məlumat yayıb.
“Qarabağ”ın müraciəti əsasında İsmayıl İbrahimli, Hacıağa Hacılı və Nicat Mehbalıyev klubun UEFA Çempionlar Liqasında Kiprin APOEL komandası oyunu ilə əlaqədar millinin toplanışından azad ediliblər. Onların əvəzinə “Səbail”dən Ədilxan Qarəhmədov, “Qəbələ”dən Samir Məhərrəmli və “Sumqayıt”dan Səbuhi Abdullazadə dəvət olunub.
