"Qarabağ"ın futbolçusuna elçi düşənlərin sayı artıb

"Qarabağ"ın futbolçusu Simeon Slavçev daha 4 ölkədən təklif alıb.

Sportline.az "Blitz" portalına istinadən xəbər verir ki, 26 yaşlı bolqarıstanlı yarımmüdafiəçi Türkiyə, Portuqaliya, Rusiya və Polşa klublarının maraq dairəsindədir. Qurban Qurbanovun son vaxtlar "11-lik"də yer vermədiyi legionerin komandadan ayrılmaq istədiyi, lakin hələlik seçim etmədiyi vurğulanır.

Bir müddət əvvəl Bolqarıstanın "Levski" klubunun Slavçev üçün Ağdam klubuna sərfəli təklif irəli sürdüyü bildirilib.

Qeyd edək ki, "Qarabağ" Slavçevlə 2018-ci ilin iyulunda 3 illik müqavilə imzalayıb.