"Qarabağ"ın oyunlarının başlanma saatı açıqlandı
"Qarabağ" və Sloveniyanın "Olimpiya" komandaları arasında futbol üzrə Çempionlar Liqasının I təsnifat mərhələsi çərçivəsində keçiriləcək hər iki oyunun vaxtı və stadionları açıqlanıb.
SportLine.az UEFA-nın rəsmi saytına istinadən xəbər verir ki, ilk görüş iyulun 11-də Lyublyanadakı "Stojitse" stadionunda təşkil olunacaq. Matçın start fiti Bakı vaxtı ilə saat 22:00-da səslənəcək.
Cavab qarşılaşması isə iyulun 18-də Tofiq Bəhramov adına Respublika stadionunda oynanılacaq. Matç saat 21:00-da başlanacaq.
