"Qarabağ"ın yeni transferinin qazancı açıqlandı
"Qarabağ"ın bu yay heyətə qatdığı Maqaye Qeyenin maaşı açıqlanıb.
Sportline.az xəbər verir ki, Azərbaycan çempionu fransalı hücumçuya illik 420 min dollar (714 min manat) maaş verəcək. 29 yaşlı futbolçu 2 illik sözləşmə imzalayıb və bu müddətdə o, 840 min dollar (1 milyon 428 min manat) qazanacaq.
Qeyd edək ki, Maqaye Qeye "Qarabağ"a Türkiyənin "Osmanlıspor" klubundan transfer olunub. "Transfermarkt"ın məlumatına görə, türk klubu bu keçiddən 290 min avro (493 min manat) qazanıb. O, "Qarabağ"ın heyətində keçirdiyi 3 oyunda 1 qol vurub.
Maqaye Qeye əvvəllər, Fransanın "Strasburq", "Brest", İngiltərənin "Everton", "Milluoll" və Türkiyənin "Adanaspor" klublarının formasını geyinib.
