Ronaldu 700-cü qolundan danışdı

Portuqaliya millisinin və "Yuventus"un futbolçusu Kriştiano Ronaldo karyerasının 700-cü qolunu şərh edib.

Sportline.az xarici KİV-lərə istinadən xəbər verir ki, AVRO-2020-nin seçmə mərhələsində səfərdə Ukraynaya 1:2 hesabı ilə uduzduqları matçda penaltidən fərqlənən 34 yaşlı hücumçu 700-cü qolu ilə bağlı deyib:

"Hər kəs bu rəqəmə nail ola bilmir. Komanda yoldaşlarıma və məşqçilərimə mənə kömək etdikləri üçün təşəkkür edirəm. Qalib gələ bilmədiyimiz üçün məyusam, amma komandamla fəxr edirəm. Rekordlarımın sayını bilmirəm. Mən bu anlardan zövq almalı və  kömək edənlərə təşəkkür etməliyəm.

Sonuncu dəfə bu stadionda Çempionlar Liqasının qalibi almışam. Bu keçmişdəm çox gözəl xatirədir. Ukrayna ilə matçda biz yaxşı oynadıq, amma qələbə qazana bilmədik.

Mən rekord axtarmıram, onlar özləri məni tapır. Hər şey təbii olaraq baş verir".