Rusiya millisinin üzvü "Fənərbağça"da
"Fənərbağça" qış transfer pəncərəsində daha bir futbolçunu heyətinə qatıb. SportLine.az xəbər verir ki, İstanbul klubu Rusiya millisinin üzvü Fyodor Kudryaşovla razılıq əldə edib.
31 yaşlı müdafiəçi ilə danışıqlar artıq müsbət nəticələnib. O, yeni komandası ilə münasibətləri rəsmiləşdirmək üçün bu gün Türkiyəyə yollanıb. Kudryaşovun 6 ay + 1 illik sözləşməyə qol çəkməsi gözlənilir.
Qeyd edək ki, Kudryaşov mövsümün ilk yarısını "Rubin"də keçirib. Lakin Kazan təmsilçisindəki maliyyə probleminə görə, müqaviləsinə qarşılıqlı razılıqla xitam verilən futbolçu Türkiyə klubuna havayı başa gəlib.
