"Sabah"ın futbolçusu millidən kənarlaşdırıldı

17 yaşadək futbolçulardan ibarət millimizin heyətində növbəti dəyişiklik edilib.

Sportline.az xəbər verir ki, Bakıda təlim-məşq toplanışında olan komandanın heyətindən daha bir oyunçu çıxarılıb.

Belə ki, “Sabah”dan dəvət edilən Vüsal Qəmbərov zədə səbəbindən hazırlıq prosesindən kənarlaşdırılıb. Əvəzində “Sumqayıt”dan Tural Haqverdiyev toplanışa dəvət olunub.

Qeyd edək ki, U-17 sentyabrın 22-dək təlim-məşq toplanışını davam etdirəcək.